Сербия — Албания футбол матчы (2014) (ағыл. Serbia v Albania 2014) — 2016 жылғы Еуропа чемпионатының іріктеу матчы, 2014 жылы 14 қазан күні Белградтағы "Партизан" стадионында өтті.
| Сербия — Албания футбол матчы (2014) | |
| Турнир | ЕУРО-2016 іріктеуі |
|---|---|
| Сербияға техникалық жеңіліс жазылды | |
| Дата | |
| Стадион | "Партизан", Белград |
| Көрермендер | 25 000 |
Матч жанкүйерлердің шектен тыс тәртіпсіздіктерінің кесірінен толық ойналған жоқ. Нәтижесінде Сербияға техникалық жеңіліс жазылды.
Сербия мен Албания мемлекеттерінің арасындағы қарым-қатынас Косова тәуелсіздік алған соң ушыға түскенімен, УЕФА тарапы ЕУРО-2016 іріктеуінде екі елді бір топқа түсірмеу мәселесін қарастырмаған болатын. Соның нәтижесінде осындай берекесіздіктер орын алды.
Матчқа дейін өңдеу
Матчқа дейінгі турнир кестесі
Футболдан 2016 жылғы Еуропа біріншілігі (іріктеу турнирі, І тобы)
| Орын | Команда | О | Ж | Т | Ұ | Голдар | ± | Ұ |
|---|---|---|---|---|---|---|---|---|
| 1 | Дания | 2 | 1 | 1 | 0 | 3 − 2 | +1 | 4 |
| 2 | Албания | 2 | 1 | 1 | 0 | 2 − 1 | +1 | 4 |
| 3 | Сербия | 1 | 0 | 1 | 0 | 1 − 1 | 0 | 1 |
| 4 | Армения | 2 | 0 | 1 | 1 | 2 − 3 | −1 | 1 |
| 5 | Португалия | 1 | 0 | 0 | 1 | 0 − 1 | −1 | 0 |
О — ойындар, Ж — жеңістер, Т — тең түскен ойындар, Ұ — ұтылыстар, Голдар — соғылған және жіберілген голдар, ± — голдардың айырмашылығы, Ұ — ұпайлар
Матч өңдеу
Детальдар өңдеу
| 14 қазан 2014 жыл, 20:45 (UTC+2:00) | Партизан (стадион), Белград Көрермендер саны: 25 200 Төреші: Мартин Аткинсон | |
Сербия | Албания |
|
Матчтан соң өңдеу
Екі тараптың да футбол федерациялары 100 мың Еуродан айыппұл төледі. Албания таранына бұл жаза ойынды жалғастырудан бас тартқаны үшін және фанаттарының алауыздық тудыратын баннерді көтергені үшін салынды. Сербия тарапына стадиондағы қауіпсіздікті сақтай алмағаны үшін сондай жаза қолданылды.
Қарымта ойын 2015 жылы 8 қазан күні Эльбасанада өтіп, Сербия 2:0 есебімен жеңіске жетті. Жеңілгендеріне қарамастан албан футболшылары тұңғыш рет финалдық турнирге жолдама ала алды. Ал Сербия не-бары 4 ұпаймен 4-ші орында қалды.