Албан тілі (алб. Shqip) — Албанияның жергілікті жұрты, албандардың ана тілі, Грекия мен Солтүстік Македонияның, Косово, Черногория, Төменгі Италия мен Сицилияны мекендейтін халықтардың тілі болып табылады. Осы тілде сөйлейтіндердің жалпы саны— 6 млн жуық.Албан тілі болгар, румын және жаңа грек тілдеріне жақын.Оған славян, латын, грек тілдерінен енген кірме сөздер де бар.
| Албан тілі | |
| Өз атауы: | Shqip /ʃcip/ |
|---|---|
| Елдер: | Албания, Сербия, Черногория, Солтүстік Македония, Грекия, Түркия, Италия |
| Ресми күйі: | Албания
Орталық Еуропа еркін сауда ассоциациясы |
| Сөйлеушілер саны: | 7 600 000 адам |
| Классификация | |
| Санаты: | |
| Жазуы: | латынша (албанша нұсқасы) |
| Тіл коды | |
| МЕСТ 7.75–97: | алб 030 |
| ISO 639-1: | sq |
| ISO 639-2: | alb (B); sqi (T) |
| ISO 639-3: | sqi, aln, aae, aat, als |
| Тағы қараңыз: Жоба:Лингвистика |
Албан тілі фонетикалық, грамматикалық, лексикалық өзгешілігі жағынан гег (солтүстік) және тоск (оңтүстік) диалектеріне бөлінеді. Гег диалектісінде дауыстылар мұрын жолды болып келеді, тоск диалектісінде мұндай ерекшелік жоқ. Албан алфавиті латын графикасына (1908) негізделген. Албан тілінің көне ескерткіштері 15 ғасырға жатады. Әдеби тілі 19 ғ. аяғында жасала бастағанымен, терминологиясы Албан Халық Республикасы құрылғаннан кейін қалыптасып дамыды.