Ұлытау облысы — 2022 жылдың 8 маусым күні құрылған Қазақстанның орталығындағы облыс. Әкімшілік орталығы – Жезқазған қаласы.
| Қазақстан облысы | |
| Ұлытау облысы | |
| Әкімшілігі | |
|---|---|
| Облыс орталығы | |
| Аудандар саны | 2 |
| Ауылдық округтер саны | 28 |
| Кенттік әкімдіктер саны | 7 |
| Қалалық әкімдіктер саны | 3 |
| Ауыл саны | 72 |
| Әкімі | |
| Тарихы мен географиясы | |
| Құрылған уақыты | |
| Жер аумағы | 188,9 мың км² (5-ші орын) |
| Уақыт белдеуі | UTC+6:00 |
| Тұрғындары | |
| Тұрғыны | 221 395 адам (2023) |
| Ұлттық құрамы | қазақтар (76,16%), орыстар (14,29%), украиндар (2,96%), немістер (1,25%), татарлар (1,21%), беларустар (0,59%), корейлер (0,48%), басқа ұлт өкілдері (3,06%) |
| Сандық идентификаторлары | |
| Автомобиль коды | 20 |
|
|
Ұлытау облысы оңтүстігінде Түркістан, оңтүстік-батысында Қызылорда, оңтүстік-шығысында Жамбыл, батысында Ақтөбе, солтүстік-батысында Қостанай, солтүстігінде және шығысында Қарағанды облыстарымен шектеседі.
Тарихы
2022 жылы 16 наурызда Қазақстан Республикасының президенті Қасым-Жомарт Тоқаев парламент палаталарының бірлескен отырысындағы Қазақстан халқына Жолдауында Қарағанды облысының бөлігінен Ұлытау облысының құрылатынын айтты.
| Бұрынғы Жезқазған облысының аумағында Ұлытау облысын құру қажет. Жезқазған қаласы қайтадан облыс орталығы болады. Бұл аймақта дербес облыс құру – экономикалық қана емес, рухани жағынан да маңызды шешім. Қасым-Жомарт Тоқаев |
Облыс Қазақстан президентінің жарлығына сәйкес 2022 жылы 8 маусымда құрылды. Айта кетерлігі, оның аумағы бұрынғы Жезқазған облысының аумағынан кішірек (1997 жылға дейін Шет, Ақтоғай аудандары, Балқаш және Приозерск қалалары да енген).
Әкімшілік-аумақтық құрылысы
Облыс 2 аудан мен 3 облыстық маңызы бар қаладан тұрады:
| № | Әкімшілік бірлік | Аумағы км² (1-11-2019) | Халқы адам (1-01-2022) | Халық тығыздығы ад./км² |
|---|---|---|---|---|
| 1 | Жаңаарқа ауданы | 62 347,81 | 34 758 | 0,56 |
| 2 | Ұлытау ауданы | 122 931,05 | 12 351 | 0,10 |
| 3 | Жезқазған қаласы | 1 760,97 | 91 619 | 52,03 |
| 4 | Қаражал қаласы | 792,43 | 18 699 | 23,60 |
| 5 | Сәтбаев қаласы | 1 104,35 | 69 571 | 63,00 |
| Барлығы | 188 936,61 | 226 998 | 1,20 |
Дереккөздер
- Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
- Қазақстан Республикасы халқының жекелеген этностары бойынша саны (2023 жыл басына)
- Қазақстанда ресми түрде үш жаңа облыс құрылды
- Ұлытау облысының картасы
- 2022 жылдың басына қарай Қарағанды облысының халық саны 4 мамырдың 2022 жылы.
