Ренуар (Renoіr) Пьер Огюст (25.2.1841, Лимож — 17.12.1919, Кан-сюр-Мер) — француз кескіндемешісі, графикашы әрі мүсінші, бейнелеу өнеріндегі импрессионизм ағымының негізін салушылардың бірі. 1862 — 64 ж. Сән өнері мектебі мен Ш.Глейр шеберханасында оқыды. Парижде тұрды. Алғашқы шығарм. кезеңінде Г.Курбе, Э.Мане, К.Моне, А.Сислей, т.б. шеберлерінің ықпалында болды. Ренуардың “Антони әжейдің жүрек жалғауы” (1866), “Жаз” (1869) және “Сенадағы шомылу” (1869) секілді картиналарынан өзін қоршаған ортадағы жарық пен сәуленің құбылмалы өзгерістерін дәл тұтып бейнелеу мен образ өміршеңдігіне ұмтылу байқалады. Суретшінің шалқар шабытынан туған “Мулен де ла Галет” (1876), “Төсекте отырған жалаңаш әйел” (1876), Жанна Самари портреті (1877), “Желпуішті қыз” (1881) атты картиналары пленэрлік кескіндеменің озық үлгілері тобын құрады. Ренуар шығарм. басқа импрессионистер өнеріне қарағанда картинада алдыңғы қатарға адамды қоюымен әрі олардың тіршіліктен сезінген ләззатты шақтарын шынайылықпен бейнелеуімен ерекшеленеді. Сауықшыл қала өмірінің көңілді көріністері Ренуар туындыларының негізгі арқауы болып табылады. 1880 — 90 ж. суретші сәнділік шарттылығына бой ұрды. Ренуар көптеген литография, офорт және мүсіндердің де (“Венера”, қола, 1914 — 16) авторы. Оның кескіндемелік шығармалары Стокгольм, Берлин, Мәскеу,Париж, Санкт-Петербург және Кельн қ-ларының мұражайларында сақтаулы.
Дереккөздер Өңдеу
- Қазақша энциклопедия 7 том.
- Перрюшо А., Жизнь Ренуара, М., 1986;
- Воллар А., Ренуар. Сезанн, М., 2000; его же, Ренуар, М., 2004.
Толықтыру Өңдеу
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |