Қазақстанның Қатардағы Елшілігі — Қазақстан Республикасының Қатар Мемлекетіндегі дипломатиялық миссиясы. Елшілік Қатар астанасы Доха қаласында орналасқан.
| Қазақстан Республикасының Қатар Мемлекетіндегі Елшілігі | |
| Мекенжайы | Доха, 66-аймақ, САХА 93, №2 ғимарат |
|---|---|
| Ашылуы | |
| Елші | Исағалиев Арман Қайратұлы |
Тарихы өңдеу
1993 жылы 1 шілдеде Қазақстан Республикасы мен Қатар Мемлекеті арасында дипломатиялық қарым-қатынастар орнату туралы бірлескен коммюникеге қол қойылды.
Қазақстанның Қатардағы Елшілігі 2007 жылы мамыр айында ашылды. 2020 жылы қыркүйектен бастап Қазақстанның Қатардағы Елшісі А. Исағалиев.
Қатардың Қазақстандағы Елшілігі 2008 жылы наурыз айынан бастап жұмыс істеп келеді. 2019 жылы қазаннан бастап Қатардың Қазақстандағы Елшісі Әбделазиз бен Султан Әл-Румейхи.
Елшіліктің негізгі міндеттері өңдеу
- Қазақстан Республикасының Қатардағы ұлттық мүдделерін қамтамасыз ету және оның сыртқы саяси курсын іске асыру;
- Қазақстан Республикасының азаматтары мен заңды тұлғаларының Қатардағы құқықтары мен мүдделерін қорғау;
- Қазақстан Республикасының Қатармен ынтымақтастығын дамытуды қамтамасыз ету, Қазақстанның мемлекеттік органдарының, қоғамдық ұйымдарының және іскер топтар өкілдерінің Қатармен байланыстарын орнату және қатынастарын дамыту;
- Қазақстан Республикасының Қатармен халықаралық келісімшарттары жобаларын, келісімшарттарды жасасу, орындау және тоқтату жөніндегі ұсыныстарды әзірлеуге қатысу, Қазақстанның болу елімен жасасқан келісімшарттарының орындалуына бақылау жасау;
- консулдық қызмет;
- өзге де міндеттер.
Байланыс өңдеу
| Телефон | +974 441 280 15 |
|---|---|
| Факс | +974 441 280 14 |
| doha@mfa.kz |
Дереккөздер өңдеу
- ҚР СІМ Қазақстан Республикасының Қатардағы Елшілігі. Тексерілді, 5 желтоқсан 2023.