Шелли Кэтрин Хеннинг (ағылш. Shelley Catherine Hennig , 1987 жылы 2 қаңтарда АҚШ-тың Луизиана штатында дүниеге келген) — америкалық актриса.
Өмірбаян өңдеу
Хенниг Луизиана штатындағы, Дестрехан қаласында алғаш дүние есігін ашқан. 2003 жылдың қарашасында сұлулық сайысында бірінші орын алып, «Жас Луизиана сұлуы» атағын жеңіп алды, ал 2004 жылдың тамызында «Жас АҚШ сұлуы» номинациясының жүлдегері атанды.
Хенниг осы мәртебеден кейін сұхбаттамалар беріп, телебағдарламаларға түсе бастады. Алайда 2005жылдың 8 тамызында ол өзінің белсендіігін тоқтатты.
Дестрехан мектебінде ең үздік оқушылардың бірі болды. Мектеп қабырғасында түрлі би уйірмелеріне қатысып, конкурстардан көптеген жүлделер иемденген. Сонымен қатар, ол өлең шығаруды жақсы көретін және оның өлең жинақтары жас ақындар журналында шығарылған.
14 жасында жол апатынан қайтыс болған ағасынан айырылды. Жүк машина жүргізуші мас күйінде қарсы кел жатқан көлікті соғып кеткен. Осы қайғылы оқиғадан кейін Хенниг "Алкогольге қарсымын" деген топ құрып, сол топта белсенділік танытты.
Мансап өңдеу
2007 жылдың 20 сәуірінде Хенниг «Days of our lives» атты телесериалға актриса ретінде таңдалып алынды.
2011-2012 жылдары «The Secret circle» телесериалында басты рөлді сомдады. Алайда көрерменнің деңгейі төмендегендіктен, бұл сериал ары қарай жалғасын таппай,түсірілімін тоқтатты.
Қазіргі таңда ол «Teen wolf» сериалында өз өнерін көрсетіп жүр.