СУЛАВЕСИ ТЕҢІЗІ (Sulawesі), Целебесс теңізі – Тынық мұхиттың Сулавеси, Калимантан, Минданао, Сангихе аралдары мен Сулу топаралының аралығындағы теңіз. Аумағы 453 мың км², ең терең жері – 5914 м. Суының беткі қабатының температурасы жыл бойында 28°С шамасында, тұзд. 34,5‰. Беткі ағысы Минданао ағысына байланысты қалыптасады. Сулавеси теңізінің деңгейі Малайя топаралығындағы басқа теңіздердің деңгейінен жоғары. Тынық мұхиттың аралық және беткі су қабаттары Сулавеси теңізі арқылы Үнді мұхитымен алмасып отырады. Толысуы жарты тәуліктік (3 м). Басты порттары – Венанг (Сулавеси аралы) және Таракан (Таракан аралы).
Дереккөздер
- «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |