Камчатка — Азияның солтүстік-шығысындағы аса ірі түбек.
| Камчатка | |
| Сипаттамасы | |
|---|---|
| Ауданы | 270 000 км² |
| Ең биік нүктесі | 4835 м |
| Орналасуы | |
| 57° с. е. 160° ш. б. / 57° с. е. 160° ш. б. (G) (O) (Я)Координаттар: 57° с. е. 160° ш. б. / 57° с. е. 160° ш. б. (G) (O) (Я) | |
| Түбекті шаятын акваториялар | Охота теңізі, Беринг теңізі, Тынық мұхит |
| Ел | Ресей |
| Аймақ | Камчатка өлкесі |
| Камчатка Ортаққорда |
Географиялық орны Өңдеу
Ресейдің Камчатка өлкесі және Коряк автономды округі аумағын алып жатыр.
Жер бедері Өңдеу
Ұзындығы 1200 км, ені 450 км, ауданы 370 мың км2. Тынық мұхиттық тектоникалық белдеуде жатуына байланысты жанартаулық және жер сілкіну әрекеттері күшті жүреді. 160 жанартау бар, оның 28-і әрекетті. Ыстық бұлақтар мен гейзерлер көп (ең ірісі – Великан, ыстық суды 50 м биіктікке атады). Орта тұсымен бір-біріне қатар Орта және Шығыс жоталары өтеді. Олардың арасын Орталық Камчатка ойпаты бөледі. Батыс жағалауы ойпатты. Шығыс жағалауы биік үстіртті (700 – 750 м). Оның үстінде жанартау конустары орналасқан (Ключи шоқасы, 4750 м). Тау бастарын мұз басқан (аумағы 874 км2). Өзендері суға мол. Жанартау кратерлерінде пайда болған көлдер көп.
Климаты Өңдеу
Климаты қоңыржай теңіздік, орт. мен солтүстігінде қоңыржай континенттік. Ақпан айының жылдық орташа температурасы –13°С, тамызда 12°С.
Өсімдік жамылғысы Өңдеу
Көп жерін сирек, қайың орманы мен қылқан жапырақты орман басып жатыр. Солтүстігі – тундра. Өзен бойында биік және қалың шалғын өскен.
Пайдалы қазбалары Өңдеу
Көмір, алтын, күміс, құрылыс материалдары, күкірт кен орындары табылған. Минералды және ыстық суға бай. Ыстық су көздері үй жылытуға, өсімдік жылыжайына кеңінен пайдаланылады. Геотермалдық тәжірибе электр стансалары жұмыс істейді. «Крона» атты биосфералық қорық ұйымдастырылған.
Дереккөздер Өңдеу
- «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том
| Ортаққорда бұған қатысты медиа файлдар бар: Kamchatka |