Ален Фабьен Морис Марсель Делон (фр. Alain Fabien Maurice Marcel Delon (инф.), Alain Delon; 8 қараша 1935, Со, Франция), Ален Делон есімімен көбірек танымал — француз киноактері, театрактері, режиссер, продюсер, сценарист. 1960— 1980 жылдардағы киножұлдыз..
Биографиясы Өңдеу
Балалық шағы Өңдеу
Ален Делон 1935 жылы 8 қарашада Париждің Со оңтүстік қала маңында О-де-Сен (Верхняя Сена) департаментінде дүниеге келген. Делонның балалық шағы Бур-ла-Рен шағын қалашығында өтеді. Онда оның ата-анасы Ален дүниеге келуден бірнеше жыл бұрын осы қалаға көшіп келген болатын. Әкесі ─ Фабьен Делон, тегі карсикалық, Амбаркадер көшесіндегі № 3 үйде орналасқан «Режина» жекеменшік кинозалын басқарады. Анасы ─ Эдит Делон ─ мамандығы фармацевт, күйеуінің кинозалында контролер болады. Ален үш жасқа толмай ата-анасы ажырасып кетеді. 1939 жылы Эдит шұжық дүңгіршегінің иесі Поль Булоньға тұрмысқа шығады. Булонь мырзаның мекемесі қала тұрғындары арасында танымал болатын. Эдит жаңа күйеуінің дүңгіршегінде көмектесіп, уақытының көп бөлігі жұмысқа кеткендіктен, баласының тәрбиесіне қарауға уақыт бөле алмайды. Сондықтан Аленге қарау асыраушы мадам Нероға тапсырылу керек деп шешім қабылдайды. Неро жұбайымен Френ түрмесіне жақын жерде шағын үйде тұратын, ал оның күйеуі түрменің күзетші болып қызмет атқарады. Делон бірнеше жыл асырап алушы мадам Нероның отбасында тұрады. Сол жандармен бірге өткізген жылдар жайлы актер, ерекше ықыласпен еске алады: «Мені асырап алған осы отбасы менің нағыз отбасым бола білді, мұнда маған ерекше мейіріммен қарады. Дәл осы жерде алғашқы балалық көз жасым тамған еді». Неро жұбайларының трагедиялық өлімінен кейін Ален ата-анасының үйіне оралуға мәжбүр болады.
Мектеп жасы мен мамандық таңдау Өңдеу
Мектептегі жылдарында Ален тәртібі нашар болғандықтан бірнеше пансиондар мен мектептерден шығарып жіберіледі. Поль мен Эдит Аленнің классикалық білім ала алмайтындығын түсініп, оны шұжықшы мамандығында оқытатындығын шешеді. Ален еш қарсылықсыз оқи бастайды. Өзінің бір сұхбатында : «Бұл мамандық менің ата-анамның мамандығы болды. Мен олардың жолын жалғастыруым керек еді. Бұл қалыпты жағдай», ─ деген болатын. Бір жыл оқып диплом алып, жұмыс істеу құқығына ие болғаннан кейін Делон Лей-ле-Роздағы шұжық дүңгіршегінде жұмысқа орналасады, онда үш ай жұмыс істеп Париждегі Сен-Шарль көшесінің шұжық дүңгіршегіне ауысады.