Дрю Джилпин Фауст (ағылш. Catharine Drew Gilpin Faust 18 қыркүйек 1947, Нью-Йорк) — ағылшындық тарихшы және Гарвард Университетінің 28-і президенті, осы қызметтегі бірінші әйел. Фауст Рэдклифф тереңдетілген зерттеу институтының бұрынғы деканы, ол 1672 жылдан бергі Гарвардтың бакалавр немесе магитср деңгейінсіз алғашқы президенті және оңтүстіктен көтеріліп шыққан алғашқы тұлға. 2014 жылы Форбес оны әлемдегі 33-і ең ықпалды әйел ретінде таныды.
| Дрю Джилпин Фауст | |
| Гарвард университетінің 28-і президенті | |
| Туған күні | 18 қыркүйек 1947 (76 жас) |
|---|---|
| Туған жері | |
| Жұмыс орны | Пенсильвания университеті Рэдклифф колледжі |
| Ғылыми дәрежесі | Философия докторы (PhD) |
| Ғылыми атағы | |
| Альма-матер | Брин-Мор колледжі Пенсильвания университеті Конкорд академиясы |
| Марапаттары |
|
| Сайты |
Өмірбаяны өңдеу
Дрю Джилпин Нью-Йорк қаласында туып, Вирджиния штатының Кларк Каунти аймағында, Шенандоа Вэллиде өскен. Ол Кэтрин Джинна және Макги Тайсон Джилпиннің перзенті. Әкесі Принстонның түлегі және асыл тұқымды жылқылардың бақташысы болған. Оның әке жағынан үлкен атасы, Лоуренс Тайсон, 20-шы жылдары Америка құрамасының Теннесиден штатынан сенаторы болған. Фаусттың сондай-ақ ата-бабалары Жаңа Англиялық болған Принстонның үшінші президенті, пуритандық Джонатан Едвардтың ұрпағы.
Білімі өңдеу
Фауст Массачусетстегі Конкорд Академиясын 1964 жылы аяқтады. Ол 1968 жылы тарих саласына қосқан үлесі үшін Брин Мор колледжінің үздік бакалавры марапатын (BA Magna cum Laude) иеленді. Ол гуманитарлық ғылымдар магистрі дәрежесін 1971 жылы Пенсильвания университетінде және 1975 жылы “Қасиетті шеңбер: 1840-1860 жж. Көне оңтүстіктегі зиялылардың қоғамдық рөлі” диссертация тақырыбымен доктор дәрежесін иеленді.
Мансабы өңдеу
1975 жылы Фауст Пенсильвания университетінің Америкалық цивилизация факультетіне профессор ассистенті ретінде қызметке тұрады. Соғысқа дейінгі және азамат соғысы кезіндегі Оңтүстік тарихының маманы Фауст, Уолтер Анненбергтің профессоры болды.
| Сыртқы медиафайлдар | |
|---|---|
| Booknotes interview with Faust on Mothers of Invention, September 1, 1996, C-SPAN | |
| Presentation by Faust on This Republic of Suffering, January 9, 2008, C-SPAN |
Ол алты кітаптың авторы, Өнертабыстың аналары: "Азаматтық соғыс тұсындағы құл иеленуші оңтүстіктің әйелдері" (1996) атты еңбегі үшін, ол Фрэнсис Паркмэн атындағы Америкалық Тарихшылар Одағының марапаты мен Америкалық Тарихшылар Ұйымының Эйвери О. Крейвен марапатын 1997 жылы cыйлығын алады. Оның басқа да жұмыстары Джеймс Хенри Гаммонд, оңтүстік Калифорнияның 1842-1844 жылдар аралығындағы басшысы Джеймс Хенри Гаммондтың өмірбаяны. Қасірет Республикасы (2008) Құрама штаттарының өлім туралы көзқарасының азаматтық соғыс кезіндегі үлкен жоғалтулары негізенде өзгеруі туралы сыни тұрғыдан танылған зерттеу. Бұл еңбек Пулитзер премиясында және Ұлттық Кітап марапаттауында финалист болды.
2001 жылы, Фауст Рэдклифф колледжі мен Гарвард университетінің бірігуінен кейін, Рэдклифф тереңдетілген зерттеу институтының бірінші деканы болды.
2007 жылдың 8-ақпанында, Фауст университеттің келесі президенті болып сайланды. Оның жаңа қызметі университет басшылығымен тек үш күннен кейін ғана жарияланады. Фауст Гарвард университетінің ең бірінші әйел президенті ретінде тарих беттеріне жазылды.
Фауст 2006 жылдың 30-маусымында Гарвард университетінің Өнер және Ғылым факультеті мүшелері тарапынан сынның толастамауына әкеліп соққан, кереғар пікірлері үшін қызметінен босатылған Лоуренс Саммерстің орнына келді. 1971-1991 жылдар аралығында Гарвардтың президенті ретінде қызмет атқарған Дерек Бок, 2006-2007 оқу жылында уақытша президент ретінде қайта қызметке келді.
Кампусте пресс конференция барысында, Фауст: «Менің осы қызметке тағайындалуым бұрын адам елестете алмаған жаңа мүмкіндіктердің ашылуына белгі екеніне сенемін». Фауст сонымен қатар келесідей мәлімдеме жасады: «Мен Гарвардтың әйел президенті емеспін, мен Гарвардттың президентімін».
2007 жылдың 12-қазанында Фауст төмендегідей жолдау жолдады:
«Университет дегеніміз келесі семестрдің нәтижелері емес; бұл тіпті студенттің бітіргеннен кейін кім болғаны емес. Бұл өмірді қалыптастыратын оқуды үйрену, мыңжылдықтың мұрасын ұрпақтан ұрпаққа қалдыру туралы білімді игеру; болашақты қалыптастыратын оқу туралы».
Фаусттың бастамасымен Гарвард колледжіне білімгерлер үшін ақшалай көмек көбейтілді. 2007 жылдың 10-желтоқсанында Фауст орта және жартылай жоғары әл-ауқатты білімгерлер үшін жаңа саясат жариялады, онда жылына 100,000-180,000 доллар арасында табысы бар отбасылар үшін ата-аналық жәрдемақы үлесін 10 пайыз ғана етіп шектеді, несиелерді грантқа ауыстырды. Осы саясатты жариялау барысында, Фауст келесідей мәлімдеме жасады, «Оқыту Америка демократиясын іске қосатын қозғалтқыш іспеттес... Және ол жұмыс жасауы керек, сондай-ақ оған адамдардың қолдары жете алуы керек». Бұл аталған жаңа саясат алдыңғы бағдарламаларды дамытты, 60,000 доллардан аз табатын отбасылар үшін ата-аналық салымды алып тастап, 100,000 доллар табатын отбасылар үшін төлемақыны қысқартты. Осыдан кейін дәл осындай саясат Стенфорд, Йель, және де АҚШ-тың басқа да жеке университеттері мен колледждерінде жүзеге асырылды.
Сонымен қатар, жоғарғы оқуды қолжетімді етумен бірге, Фауст АҚШ конгресіне ғылыми зерттеулер мен кіші факультет зерттеушілерін қолдау үшін қаржыландыруды үлкейту үшін ұсыныс жасады. Ол өнерді жандандыруды басты мақсат етіп, оны білімгерлер мен ұжым қызметкерлерінің күнделікті өмірлеріне сіңіруге назар бөлді. Фауст университеттің халықаралық деңгейінің ары қарай өсуіне жұмыс жасады. Сондай-ақ ол тұрақты дамудың жақтаушысы болып университеттің жылы жайларынан газ бөлінуін, Гарвардтың 2006 жылғы базалық деңгейінен 30 пайызға төмендету арқылы, 2016 жылға дейін азайтуды мақсат етіп қойды.
2008 жылдың мамырында Кристина Ромерге, Барклейдегі Калифорния университетінің экономикалық профессоры, Гарвард экономика бөлімінің қолдауыны қарамастан, Гарвард басшылығы болуға ұсыныс түспеді. Фауст Ромердің басқару мерзіміне қатысты жәйт туралы баспасөз мәлімдемелеріне пікір білдіруден бас тартты. Ромерді кейінірек Президент Барак Обама экономика кеңісшілер одағының басқару етіп тағайындады. Сондай-ақ Фаусттың басқаруы кезінде, Гарвардтың экономикалық факультетінде болған Раджа Четти, Сьюзан Ати, Гвидо Имбенс, Дрю Фуденберг және Нобель сыйлығының лауреаты Эла Ротаны қоса алғанда, Стэнфорд пен Массачусетс технологиялық институтына көрнекті оқытушылардың кетуі байқалды.
2009 жылдың маусымында жұмыстан қысқартулар орын алып жатқан кезде, Фауст жұмыс орындарын сақтап қалуға мүмкіндік беретін жалақыны төмендету ұсынысынан бас тартқаны үшін қатты сынға ұшырады. Айлар бойы жалғасқан қысқатуралар кезінде, неше түрлі кампус топтары Фаусттың және басқа да администрация қызметкерлерінің айлықтарын қысқартуға үндеді.
Фаусттың жалақысы туралы мәліметтер әртүрлі: The Boston Globe Фауст 2007-2008 жж. оқу жылында 775,043 мың доллар тапқанын жарияласа. Harvard Grimson 2008-2009 жж. фискальды жылда жалақысы мен табысы 693,739 мың доллар құрағаның мәлімдеді. 2009 ж. Гарвард Корпорациясы президент, декандар, жоғарығы лауазымды қызметкерлер, менеджмент ұжымы және факультет айлықтарын уақытша тоқтатып қоюға келісімін беріп, ерте зейнетке шығу бағдарламасын ұсынды. Сонымен қатар университет қызметкердерінің 2,4 пайызын еріксіз қысқартуға мәжбүр болды.
2010 ж. желтоқсанда Фауст және Стенфорд Университетінің президенті Джон Хеннесимен бірге DREAM Act.-нің үзіндісіне қолдау ретінде мақала жазып шығарды. Заңнама АҚШ 111-ші Конгресімен мақұлданбады.
2011ж. Фауст әскери-теңіз күштерінің хатшысы Рэй Мабуспен келісім жасайды, онда ол шамамен 40 жылдан кейін, яғни 2010 ж. желтоқсандағы “Сұрама, айтпа” кейінгі заңына сәйкес, JD’76, әскери-теңіз күштері офицерлерін даярлау корпусының бағдарламасын, кампуске қайтару бағдарламасын қол қояды.
Фауст Гарвард Колледжінің президент қызметінен 2018 ж. маусымда кеттеді, оның орнына Лоуренс Бэкау келеді. Президент қызметінен кеткеннен кейін 4 күннен соң, ол Голдман Сакс (Glodman Sachs) одағына қосылады. Ол Гарвардтағы тарих профессоры атағын сақтап қалады.
Жеке өмірі өңдеу
Фауст Гарвард университетінің медицина тарихшысы Е.Розенбергке тұрмысқа шыққан. Розенберг Фаусттың диссертация көмекшісі болған. Олардың бір қыздары бар, Джессика Розенберг, ол Гарвард түлегі және New Yorker-де жұмыс атқарады. Фаусттың сондай-ақ өкіл қызы Лия Розенберг бар.
Ол бұған дейін Стивен Фаустпен тұрмыста болған. 1988 жылы Фаустқа сүт бездері обыры диагнозы қойылып, ол сол жылы ем қабылдайды. Одан бері оның денсаулығы жақсы. Ол өзіне қойылған диагноз немесе ем-дом туралы баспасөзге мәлімет беруден бас тартады.
Еңбектері өңдеу
- This Republic of Suffering: Death and the American Civil War (Knopf, 2008) ISBN 978-0-375-40404-7
- Drew Gilpin Faust, "The Dread Void of Uncertainty", Southern Cultures, Volume 11, Number 2, Summer 2005, pp. 7–32 | doi:10.1353/scu.2005.0018, at Project MUSE
- Mothers of Invention: Women of the Slaveholding South in the American Civil War (University of North Carolina Press, 1996) ISBN 978-0-8078-5573-7
- Southern Stories: Slaveholders in Peace and War (University of Missouri Press, 1992) ISBN 978-0-8262-0975-7
- The Creation of Confederate Nationalism: Ideology and Identity in the Civil War South (Louisiana State University Press, 1982) ISBN 978-0-8071-1606-7
- James Henry Hammond and the Old South: A Design for Mastery (Louisiana State University Press, 1982) ISBN 978-0-8071-1248-9
- A Sacred Circle: The Dilemma of the Intellectual in the Old South, 1840—1860 (University of Pennsylvania Press, 1977) ISBN 978-0-8122-1229-7
Дереккөздер өңдеу
- Drew Gilpin Faust Athenæum AuthorFebruary, 2011 — Бостонский атенеум.
- Harvard in Realm of Faust Makes A.J. Example of Service // Bloomberg News — 2011.
- A ‘Rebellious Daughter’ to Lead Harvard
- The Harvard Crimson. Retrieved February 9, 2007. 3 қыркүйектің 2009 жылы.
- Maria Sacchetti and, Marcella Bombardieri (February 12, 2007). The Boston Globe. Retrieved February 12, 2007.
- The World's 100 Most Powerful Women. Forbes. Retrieved June 24, 2014.
- www.encyclopedia.com. Retrieved February 11, 2018.
- Harvard Magazine, May–June 2003
- Faust, Catharine Drew Gilpin (1975). University of Pennsylvania. OCLC 606047590 – via ProQuest.
- Schuker, Daniel J. T.; Zachary M. Seward; Javier C. Hernandez (February 8, 2007)
- "First Female Harvard President Discusses Priorities and Goals February 12, 2007. Retrieved March 15, 2020.
- Drew Gilpin Faust, Installation address: Unleashing our most ambitious imaginings Archived. June 16, 2009, at the Wayback Machine, President's Office, Harvard University, 12 Oct 2007
- Rimer, Sara; Finder, Alan (December 10, 2007). "Harvard Steps Up Financial Aid". The New York Times.
- Glater, Jonathan D. (February 21, 2008). "Stanford Set to Raise Aid for Students in Middle"The New York Times.
- Faust Talks to U.S. Senate. March 11, 2008.
- At the Margin: Harvard Economics’ Precarious Spot on Top
- Boston Globe. Retrieved June 24, 2009.
- Harvard Magazine. July 23, 2009. Retrieved September 1, 2010.
- Boston.com. Retrieved September 19, 2015.
- Faust Joins Goldman Sachs Board of Directors Days After Exiting Presidency
- Retrieved September 19, 2015.
- "In Faust, early bold streak"The Boston Globe. Retrieved September 22, 2007.