T-ara (Тиара / 티아라 / ティアラ ) — Оңтүстік Кореяның 2009 жылы Core Contents Media компаниясы шығарған 6 қыздардан құралған (қазіргі кезде 7) к-поп группасы. Қазіргі кезге дейін әлі де атақты бұл топтың жанкүйерлері тек қана Кореяда ғана емес, сонымен қатар Жапонияда, Қытайда, Тайландта және т.б. мемлекеттерде де бар. Кореяда әр топ өзінің жанкүйерлеріне өз қалауынша атау береді. Осыған орай Тиара тобының жанкүйерлері QUEEN’s деген атқа ие болған.
| T-ara | |
| Негізгі ақпарат | |
|---|---|
| Жанрлары | |
| Белсенділік жылдары | 2009-2017 |
| Мемлекет | |
| Қала | |
| Өлеңдерінің тілдері | корей, жапон |
| Лейблдері | MBK Entertainment |
| Топ құрамы | Кьюри |
| Бұрынғы қатысушылары | Чжиэ |
| Басқа да жобалары | T-ara N4 |
| http://mbk-ent.com/main_tara |
Топтың құрылуы
Бұл топ сахнаға шықпас бұрын да адамдардың қызуғушылығын тудырған еді. Олар ресми түрде жариялағанға дейін 3 жыл дайындық кезеңінен өткен. Ең алғаш топтың құрамы тек бес адамнан: Джиэ (Jiae), Дживон (Jiwon), Ынчжон (Eunjeong), Хёмин (Hyomin) және Джиённан (Jiyeon) құралған. 2009 жылдың сәуір айында Тиара тобы өзінің ең алғашқы "Good Person" атты әнін ("Cinderella Man" кореялық драманың әуені ретінде) шығарған. 6 мамырда Т-ara, SeeYa және Davichi-дің бірлесіп шығарған "Yeoseong Shidae/ Yeongwonhan Sarang" ("Women's Generation/ Forever Love") синглы жарық көрді. Бұл синглмен жұмыста барлық Тиара топ мүшелері жұмыс жасаған деп көрсетілгенмен, шын мәнінде бұл жобада тек қана Джиен қатысқан болатын. Бұл ән де "Cinderella Man" драмасының қосалқы әні ретінде қолданылды. 2009 жылдың маусым айында Core Contents Media компаниясы группадан Джиэ (сол уақыттағы топ басшысы) және Дживон кеткенін жариялады. Себебі қыздар Т-ara стилі өздеріне келмейді деп шешті. Көп ұзамай топқа жаңа мүшесі болып Чон Борам (Jeon Boram) келді. Ал дебютқа 3 апта қалғанда Соён (Soyeon) және Кхири (Qri) қосылды. Топтың жаңа құрамы туралы топ агенттігі тамызда хабарлаған болатын. Топтың басшысы Джион болды. Арада көп уақыт өтпей сол уақытта 6 қыздан құралған жаңа топ "Lies" (Жалған) атты дебюттық синглымен жұмыс істей бастады.
Алғашқы жеңістері (2009 жыл)
Ресми дебют 29 маусым күні MBC каналының Radio Star ток-шоуында өткізілді. Сол күні "Lies" клипінің премьерасы болды. Тиара тобының ең алғашқы сахнаға шығуы Mnet’s M-да "Lies" және "Wanna Play?" әндерін шырқады. Өкінішке орай бұл өткізілу олардың фонограмма арқылы ән айтқаны үшін қатты сынға ұшырады. Нәтижесінде топ жұрт алдында кешірім сұрап, келешекте бұндай тәсілмен, яғни фонограммамен енді айтпайтынын және болашақта тек өз дауыстарымен айтатынын хабарлады. 15 қыркүйекте топтың төрт мүшесі: Ынчжон, Соён, Хёмин және Джиён онтүстік кореялық бойз-бэнд (тек ұлдардан құралған топ) Supernova тобымен бірге "TTL (Time to Love)" атты ортақ әнін шығарды. Ол ән 2 қазанда ғана GAON Music Charts-та 2 орынға иеленді. Бұл жеңістен кейін дәл осы әнге осы жолы барлық алты топ мүшелері де қатысқан "TTL Listen 2" атты жазбаны шығарды. Ол кореялық музыкалық чарттарда 14 орынды алды. "TWENTYth Urban" — Тиара тобының үшінші синглы. Ол әнші және сазгер Lee Kyung Sub-тың шығармашылығының 20- жылдығына арнаған 29 қыркүйекте шыққан жобаның бірінші бөлімі болып табылады. 27 қарашада цифрлық көріністе шығарылған "Absolute First Album" алғашқы альбомы жарық көрді. Соған орай "Bo Peep Bo Peep" тизерлық бейнекөрінісі интернетке шықты. Альбомның басты синглын анықтау үшін халық сұраулары жүргізілді. Жанкүйерлер Mnet, MelOn, Nate, Cyworld, Soribada және т.б. порталдарында өздері сүйікті композицияларын таңдау арқылы жеңімпазды анықтай алды. 30 қараша күні „Cheoeum Cheoreom" бейнеклипы және екі нұсқалары „Bo Peep Bo Peep" (15+ и19+) шықты. 15+ версиясы GOM TV порталының мәліметі бойынша тез арада апталық басқа бейнеклиптерден озып шығып, бірінші орын алды. 19+ версиясы төртінші орынға иеленді, ал "Cheoeum Cheoreom" екінші орында болды. Тез арада сұраныстың жауабын шығарды. Жеңімпазы 53% жинаған "Cheoeum Cheoreom" болды. Солай 2009 жылдың 4 желтоқсанында Т-ara тобының 14 әндер жинағымен алғашқы альбомы жарық көрді.
Дереккөздер
jiyeon топ басшы болды
Сыртқы сілтемелер
| Ортаққорда бұған қатысты медиа санаты бар: T-ara |
- Ресми сайты 28 қыркүйектің 2011 жылы. (кор.)
- Ресми сайты (жап.)