Miles M.4 Merlin — 1930-жылдары британдық Miles Aircraft Limited компаниясы жасап шығарған бес орынды кабиналы моноплан ұшақ.
| M.4 Merlin | |
| Түрі | Бес орынды кабиналы моноплан |
|---|---|
| Өндірушісі | Miles Aircraft |
| Мемлекеті | |
| Алғашқы ұшуы | 1935 жылы 11 мамыр |
| Өндірілген бірліктері | 4 |
| Базалық моделі | |
| M.4 Merlin Ортаққорда |
Тарихы өңдеу
Жобалануы өңдеу
Merlin ұшағы Philips and Powis компаниясының конструкторы Ф.Дж. Майлз пен Г. Биркетттің Birkett Air Service Ltd және үндістандық Tata Sons Ltd компанияларымен қызметтестігінің нәтижесінде пайда болды. Ол M.3 Falcon ұшағының үш- және төрт-орынды нұсқаларының негізінде жасалды, бірақ оның фюзеляжы кең және қанат жаймасы ұзын болды. Merlin төмен қанатты моноплан ұшақ болды. Ұшақтың алдыңғы шасси тіректері қанаттың ішіне бекітілген және құйрық бөлігіне дөңгелек қойылған. Ұшақ конструкциясы негізінен ағаштан тұрды, ұшақтың қаңқасы мен сыртқы үш қабатты жабындысы қайыңнан жасалған. Ол 300 а.к. бар de Havilland Gipsy Six қозғалтқышымен жабдықталған. Алғашқыда M.4 Merlin аталған ұшақ өндіріс кезеңінде M.4A Merlin нұсқасына дейін жақсартылды: жаңа нұсқаның пропеллер тангажы өзгертілмейтін етіп істелінді.
Қолданысқа енгізілуі өңдеу
Ұшақ прототипі (V-8, кейінрек G-ADFE) 1935 жылы 22 мамырда Ф.Дж. Майлздың басқаруымен алғаш ұшты. Бірнеше аптадан кейін ұшақ Baekett Air Service әуе компаниясына берілді. Хестон аэродромында орналастырылған Бұл ұшақ әуетакси және чартерлік іскерлік рейстерде қолданылды. Кейінгі екі ұшақ Tata Sons Ltd-ға тиесілі Tata Air Lunes әуе компаниясына тапсырылды, ұшақтар Карачи—Мадрас бағытында қолданылды. Соңғы төртінші Меглин аустралиялық Victorian and Interstate Airways әуе компаниясын берілді, ол Мельбурн—Хай бағытында қолданылды. 1940 жылы бұл ұшақ Аустралия Корольдік Әуе күштеріне берілді.
Қолданушылары өңдеу
- Victoria and Interstate Airways
- Аустралия Корольдік Әуе күштері
- Tata Air Lines
- Birkett Air Service
Техникалық сипаттамасы өңдеу
Дереккөз: Lukins & Russell
| Сипаттамалар | M.4A |
|---|---|
| Экипаж | 1 ұшқыш |
| Ұзындығы | 7,87 м |
| Қанат жаймасы | 11,27 м |
| Қанат ауданы | 18,21 м² |
| Биіктігі | 2,92 м |
| Бос ұшақ салмағы | 770 кг |
| Максималді ұшу салмағы | 1360 кг |
| Максимал көтерілу биіктігі | 5490 м |
| Ұшу қашықтығы | 1130 км |
| Қалыпты жылдамдық | 245 км/сағ |
| Максималді жылдамдық | 250 км/сағ |
| Биіктік жинау жылдамдығы | 4,6 м/с |
| Қозғалтқыштар (x1) | de Havilland Gipsy Six |
| Қозғалтқыштың қуаты | 200 ат күші (150 кВ) |
Дереккөздер өңдеу
- ↑ Brown 1970, pp. 87-88
- ↑ Jackson 1988, pp. 57-58
- Flight, 4 сәуір 1935, стр. 351-353
- Lukins & Russell 1945, p. 32