Қоңыржай климат — қоңыржай белдеу климаты.
Атмосфераның жалпы циркуляциясындағы батыстан шығысқа қарай соғатын ауа ағысының қоңыржай ендіктердегі циклондармен өзара әрекеттесуінің нәтижесінде құралады. Сипатына қарай полюстік және тропиктік климаттар арасынан орын алады.
Түрлері
- Қоңыржай континентті.
- Қоңыржай жаңбырлы.
- Қоңыржай ормандық қарлы .
Сипаты
- Мұндағы ауаның температурасы және ылғал мөлшері өсімдік жамылғысының дамуына қолайлы, сондықтан қоңыржай климатты аймақтар негізінен (теңізден алыс ішкі өңірлерден басқа жерлері) орманды, шалғынды келеді.
- Жазы қоңыржай жылы (жылдың жылы айларының орташа температурасы 10°-тан 25°С-қа дейін), салыстырмалы түрде ылғалды.
- Қысы суықтау, қарлы болады.
- Жауын-шашынның жылдық орташа мөлшері 500 – 800 миллиметр аралығында. Құрлықтардың шеткі аймақтарында 1000 – 2000 миллиметрге жетеді. Ал орталық өңірінде ол 100 – 200 миллиметрден аспайды.
- Жыл бойына ауа райы құбылмалы.
- Таулы өңірлерде қоңыржай климаттың биіктік климаттық белдемділігі қалыптасқан.
Қазақстанның көптеген өңірлерінде қоңыржай континенттік климаттың белгілері байқалады.
Тағы қараңыз
Дереккөздер
- Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5