Данте Алигьери

Данте Алигьери (итал. Dante Alighieri), толық аты Дуранте дельи Алигьери(1265 - 1321 ж.ж.) - Ренессанс дәуіріндегі аса ықпалды итальян ақыны. Итальян әдеби тілін қалыптастырушысы, өлеңмен жазылған "Құдіретті комедия" шығармасының авторы.

Данте Алигьери
итал. Dante Alighieri
Туған күні	1265 жыл
Туған жері	Флоренция
Қайтыс болған күні	1321 (1321)
Қайтыс болған жері	Ravenna
Азаматтығы	Флоренция (1302 жылға дейін)
Мансабы	жазушы, ақын
Шығармашылық жылдары	1292—1321
Шығармалардың тілі	итальян тілі, латын тілі

Дантенің Флоренциядағы мүсіні

Дантенің ұлы шығармаларына тәнті болған халқы, ұрпағы кейіннен оны (XVI ғ.) "Тәңірі комедиясы" деп атаған. "Құдіретті комедия" (1307 - 1321) кейіннен өлемге әйгілі шығарма болды.

Данте бұл шығармасында орта ғасырға тән сюжетті алып, өзінің қуатты көркемдік қиялымен оқырманды тамұқтан, күнәдан тазаруына жол ашады және ұжмақтан өткізеді. Дантенің кейбір аңғал замандастары ол "о дүниеде болып келген-мыс" - деп ұққан.

Дантенің "Құдіретті комедия" шығармасы "Тамұқ", "Күнәдан тазару", "Жұмақ" деп аталатын үш бөлімнен тұрады.

Тамұққа, терең жер астына, күнәһар адамзат өкілдері, кісі өлтіргендер, өзіне қол салғандар түседі де, мәңгілік рухани және дене азабын тартады. Күнәдан тазару жолына түскенде тауға шығып, күнәдан тазарған соң, жұмаққа кіреді. Күнәдан тазарып, жұмаққа барғанша көп азапты жолдардан өтеді.

Ал жұмаққа кіргендер өмірін мәңгі-бақи рақатта өткізеді.

Дереккөздер

1. Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7